14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ո՞ւր եք, օրիորդաց գիմնազիայի բարեպաշտ ոգով կանայք և տղամարդիկ, բա ինչո՞ւ եք լռում․ Նաիրա Զոհրաբյան. ՏԵՍԱՆՅՈՒԹ
Հասարակություն
15.09.2020 | 17:24
«Բարգավաճ Հայաստան» խմբակցության պատգամավոր Նաիրա Զոհրաբյանն այսօր ԱԺ-ում հայտարարությունների ժամին անդրադարձավ երեկ ուսումնական տարվա մեկնարկին համացանցում տարածված մի լուսանկարի։ Նա ԱԺ ամբիոնից ցուցադրեց նկարը, որում երեխաները բարձրացրել էին ձեռքերը և սպասում էին ջերմաչափման։
«Ինչո՞ւ եք ձեզ կոտորում՝ նախարարության հանձնարարականը նման կերպ կատարելու համար: Ստրկամտություն է: Ծնողներ, ինչո՞ւ եք թույլ տալիս, որ այսպես կանգնեցնեն ձեր երեխաներին, երբ հնարավոր էր առանց ավելորդ ջղաձգումների երեխայի դաստակից չափել ջերմությունը: Երեխայի հիշողության մեջ առաջին դասարանից այդ տեսարանն է մնալու: Բա ո՞ւր մնաց երեխայի իրավունքը, ինչո՞ւ չեք խոսում այդ մասին»,- ասաց Զոհրաբյանը:
Պատգամավորը հիշեցրեց, որ ժամանակին կանանց, նաև՝ իր վերաբերյալ հումոր էր տեղադրել իր էջում և «օրիորդաց գիմնազիայի բարեպաշտի ոգով» դաստիարակված կանայք ու տղամարդիկ հարձակվել էին իր վրա․ «Բա ուր էիք, էդ օրիորդաց գիմնազիայի ոգով բարեպաշտ կանայք և տղամարդիկ, բա ինչո՞ւ ձայն չեք հանում, ինչո՞ւ եք լռում, չե՞ք տեսնում, որ երեխայի հիշողության մեջ սա է մնալու»։
Մանրամասները՝ տեսանյութում։
