15.10.2026 | 18:05
ԱԺ-ն և ՄԱԶԾ-ն փոխըմբռնման հուշագիր են ստորագրել խորհրդարանական զարգացման վերաբերյալ
Պաղեստինը դատարան կդիմի՝ ԱՄՆ-ի կողմից Երուսաղեմն Իսրայելի մայրաքաղաք ճանաչելու առնչությամբ
Քաղաքականություն
08.12.2017 | 13:36
Պաղեստինը միջազգային դատարան կդիմի՝ ԱՄՆ-ի կողմից Երուսաղեմն Իսրայելի մայրաքաղաք ճանաչելու առնչությամբ: Այդ մասին РИА Новости-ին հայտարարել է ՌԴ-ում Պաղեստինի դեսպան Աբդել Հաֆիզ Նոֆալը:
«Իհարկե»,- ասել է նա՝ ի պատասխան հարցի, թե Պաղեստինը կդիմի միջազգային դատարան:
Դեսպանի խոսքով՝ նա հանդիպումներ է ունեցել ՌԴ ԱԳՆ-ում ԱՄՆ-ի կողմից Երուսաղեմն Իսրայելի մայրաքաղաք ճանաչելու հարցով, և ռուսական կողմը հաստատել է իր դիրքորոշումը, որ Արևելյան Երուսաղեմը Պաղեստինի մայրաքաղաքն է, իսկ Արևմտյան Երուսաղեմը՝ Իսրայելի:
Նոֆալը նաև նշել է, որ ամերիկյան կողմի նմանօրինակ գործողություններից հետո Պաղեստինն այլևս ԱՄՆ-ին չի համարում պաղեստինա-իսրայելական հակամարտության կարգավորման հարցով խաղաղ գործընթացի մասնակից:
Հիշեցնենք, որ Դոնալդ Թրամփը հայտարարել էր Երուսաղեմն Իսրայելի մայրաքաղաք ճանաչելու իր որոշման մասին:
Իսրայելը Երուսաղեմը համարում է իր «միակ և անբաժանելի» մայրաքաղաքը՝ ներառյալ արևելյան շրջաններն ու պատմական կենտրոնը, որոնք կարողացել է հետ նվաճել Հորդանանի հետ վեցօրյա պատերազմի արդյունքում:
Հայտնի է՝ աշխարհը Երուսաղեմը Իսրայելի մայրաքաղաք չի ճանաչում, ու սա Մերձավոր Արևելքի հակամարտության ամենախրթին խնդիրներից մեկն է: Այդ իսկ պատճառով օտարերկրյա բոլոր դեսպանությունները տեղակայված են Թել-Ավիվում:
Դեռևս 1995 թ. ԱՄՆ Կոնգրեսը Իսրայելում ԱՄՆ դեսպանատունը Թել Ավիվից Երուսաղեմ տեղափոխելու մասին օրենք էր ընդունել, սակայն այդ որոշման իրականացումը հետաձգվում էր շուրջ 22 տարի:
