19.12.2025 | 11:18
ԱՄՆ-ն դադարեցրել է Գրին քարտի խաղարկության ծրագիրը Ռոդ Այլենդի Բրաունի համալսարանում կրակոցներից հետո
Բաքվին նյարդայնացրել է լիբանանահայերի՝ Արցախում բնակություն հաստատելու փաստը
Քաղաքականություն
14.09.2020 | 21:46
Ադրբեջանում «անհանգստացած են» Բեյրութում տեղի ունեցած պայթյունից հետո լիբանանահայերի՝ Արցախ տեղափոխվելու և այնտեղ բնակություն հաստատելու կապակցոթյամբ։ Երկրի ԱԳՆ-ն հայտարարություն է տարածել այս առնչությամբ՝ դիմելով միջազգային կառույցներին ու ԵԱՀԿ Մինսկի խմբին։
Հայտարարության մեջ նշվում է, որ վերջին օրերին սոցիալական ցանցերում տեսանյութեր են տարածվում այն մասին, թե ինչպես են լիբանանահայերը բնակություն հաստատում Արցախում։ Նշվում է, թե Բեյրութի նավահանգստի պայթյունից հետո Հայաստանը որոշել է, ըստ հաղորդագրության, այդ երկրի «ողբերգությունն օգտագործել շահադիտական նպատակներով» և «ադրբեջանական տարածքներում» լիբանանահայերի բնակեցման ծրագիր է իրականացնում։
«Հայաստանի ղեկավարությունը, որի նպատակը տարածաշրջանում լարվածությունը սրելն է, բաց կերպով վերջին ժամանակներում ցուցադրում է իր սադրիչ գործողություններով, իր օկուպացիոն քաղաքականությամբ վնասում է բանակցային գործընթացին։ Կոչ ենք անում միջազգային հանրությանը գործուն քայլեր ձեռնարկել Հայաստանին պատասխանատվության կանչելու հարցում, որն անօրինական գործունություն ծավալում է Ադրբեջանի տարածքներում»,- ասվում է հայտարարության մեջ։
Էմմա Չոբանյան
