12.10.2026 | 19:32
Ոստիկանները ապօրինի ձեռնարկատիրական գործունեության դեպքեր են բացահայտել
Ալեքսեյ Նավալնին ապաքինվում է․ «Շարիտե»
Քաղաքականություն
14.09.2020 | 19:01
Ալեքսեյ Նավալնու առողջական վիճակն օրեցօր բարելավվում է: Նա արդեն կարող է վեր կենալ անկողնուց: Այս մասին հայտնել են բեռլինյան «Շարիտե» կլինիկայից, որտեղ նա գտնվում է, գրում է DW-ի ռուսական ծառայությունը։
«Ալեքսեյ Նավալն ամբողջովին անջատված է օդափոխման սարքից, նրա վիճակը գնալով ավելի լավանում է, նա արդեն կարող է վեր կենալ անկողնուց»,- նշել են կլինիկայից:
Հիշեցնենք՝ Ալեքսեյ Նավալնին իրեն վատ էր զգացել օգոստոսի 20-ին օդանավում, Տոմսկից Մոսկվա թռիչքի ընթացքում: Օդանավն արտակարգ վայրէջք էր կատարել Օմսկում, որտեղ էլ Նավալնուն հոսպիտալացրել էին։
Օգոստոսի 22-ին արդեն, հարազատների խնդրանքով, նրան տեղափոխել են Բեռլինի «Շարիտե» կլինիկա։ Ռուսաստանցի գործիչը 19 օր արհեստական կոմայի մեջ էր:
Արդեն հաստատվել է, որ Նավալնին թունավորվել է նոր տիպի «Նովիչոկ» թույնով: Սեպտեմբերի 14-ին նույն եզրակացության են եկել նաև Ֆրանսիայի և Շվեդիայի փորձագետները:
Գերմանիայի կանցլեր Անգելա Մերկելը սեպտեմբերի սկզբին Ռուսաստանի իշխանություններից պահանջել էր հետաքննել ընդդիմադիր քաղաքական գործչի թունավորումը: Եվրոպական շատ երկրներ և ԵՄ-ն միացել են այս պահանջին, բայց Մոսկվան հերքում է Ալեքսեյ Նավալնիի մահափորձին մասնակցության շուրջ բոլոր մեղադրանքները:
Ըստ ՌԴ նախագահի խոսնակ Դմիտրի Պեսկովի՝ Կրեմլը «հակված չէ ընդունել որեւէ մեղադրանք»:
