01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
ՄԱԳԱՏԷ-ն առաքելություն է ուղարկել Բեյրութ՝ նավահանգստի պայթյունից հետո ճառագայթման հնարավոր սպառնալիքը հետաքննելու համար
Քաղաքականություն
14.09.2020 | 18:20
Ատոմային էներգիայի միջազգային գործակալությունը (ՄԱԳԱՏԷ) առաքելություն է ուղարկել Լիբանան՝ օգնելու տեղական իշխանություններին Բեյրութի նավահանգստում պայթյունից հետո ճառագայթման հավանական սպառնալիքը հետաքննելու հարցում: Այս մասին սեպտեմբերի 14-ին հայտարարել է ՄԱԳԱՏԷ-ի գլխավոր տնօրեն Ռաֆայել Գրոսսին գործակալության Կառավարիչների խորհրդի նիստում, գրում է ՏԱՍՍ-ը։
Գրոսսին նշել է, որ ՄԱԳԱՏԷ-ն սերտորեն համագործակցում է Լիբանանի իշխանության հետ՝ նավահանգստում տեղի ունեցած պայթյունից հետո Բեյրութի առողջապահական հատվածին և ենթակառուցվածքներին հասցված վնասը գնահատելու համար:
«ՄԱԳԱՏԷ-ի օժանդակ առաքելությունը, մասնակից պետությունների արձագանքման և օժանդակության ցանցի թիմերի օժանդակությամբ, շաբաթ ժամանել է Լիբանան և այսօր կսկսի աշխատել ճառագայթային հետազոտություններին, նմուշառումներին և վերլուծություններին օժանդակելու և ճառագայթային հնարավոր սպառնալիքի վերաբերյալ խորհրդատվություն տրամադրելու համար», – նշել է ՄԱԳԱՏԷ-ի գլխավոր տնօրենը:
