19.09.2026 | 10:22
Համաշխարհային օլիմպիադա. Շախմատի Հայաստանի հավաքականների մրցակիցները 4-րդ տուրում
Որո՞նք են Երվանդ Խունդկարյանի արժանիքները մյուս թեկնածուի նկատմամբ. Բաբաջանյանը՝ Թադևոսյանին. ՏԵՍԱՆՅՈՒԹ
Քաղաքականություն
14.09.2020 | 11:19
Այսօր Ազգային ժողովի աշնանային նստաշրջանի առաջին նիստում պատգամավորները քննարկում են Սահմանադրական դատարանի դատավորների թեկնածությունները, որոնց ավելի վաղ առաջադրել էին Կառավարությունը, Հանրապետության նախագահը և Բարձրագույն դատական խորհուրդը։
Դատավորների ընդհանուր ժողովը ՍԴ դատավորի պաշտոնում առաջադրել է Երվանդ Խունդկարյանի թեկնածությունը, որին ներկայացրեց Վճռաբեկ դատարանի Քրեական գործերով պալատի նախագահ Լիլիթ Թադևոսյանը:
«Որո՞նք են Երվանդ Խունդկարյանի արժանիքները մյուս թեկնածուի նկատմամբ, արդյո՞ք համարում եք, որ նրա կողմից կամ նրա մասնակցությամբ կայացված որոշումները եղել են ճիշտ՝ Թեղուտի, Ա1+-ի, Գլխավոր պողոտայի և բազմաթիվ այլ գործերով»,- դիմելով Լիլիթ Թադևոսյանին՝ հետաքրքրվեց ԱԺ պատգամավոր Արման Բաբաջանյանը:
Պատգամավորը նաև հավելեց, որ մամուլում եղել են հրապարակումներ, որ թեկնածուի ընտրությունն անցել է խախտումներով:
Լիլիթ Թադևոսյանը պատասխանեց, որ կարծիք հայտնելու առումով կաշկանդված է, քանի որ դատավորների վարքագծի կանոնները թույլ չեն տալիս դիրքորոշում հայտնել որևէ դատավորի մասնագիտական որակների, որևէ գործի կամ դատական ակտի վերաբերյալ:
Մանրամասները՝ տեսանյութում:
