12.10.2026 | 19:32
Ոստիկանները ապօրինի ձեռնարկատիրական գործունեության դեպքեր են բացահայտել
Ճապոնիայի իշխող կուսակցության նոր ղեկավար է ընտրվել․ նա երկրի նոր վարչապետը կդառնա
Քաղաքականություն
14.09.2020 | 11:07
Ճապոնիայի իշխող Լիբերալ-դեմոկրատական կուսակցության ղեկավար է ընտրվել նախարարների կաբինետի գլխավոր քարտուղար Յոսիհիդե Սուգան։ Նա շուտով երկրի նոր վարչապետը կդառնա, գրում է ՌԻԱ Նովոստին։
Սուգան ընտրվել է 377 ձայնով, իսկ նրա մրցակիցները՝ պաշտպանության նախարար Սիգերու Իսիբան և ԱԳ նախկին նախարար Ֆումիո Կիսիդան, 68 և 89 ձայն, համապատասխանաբար։
Նշվում է, որ սեպտեմբերի 16-ին տեղի կունենա խորհրդարանի արտահերթ նիստը՝ վարչապետի թեկնածուի քվեարկության հարցով։ Նա կփոխարինի առողջական խնդիրների պատճառով պաշտոնից հեռացող Սինձո Աբեին։
Ակնկալվում է, որ խորհրդարանը հավանություն կտա Յոսիհիդե Սուգայի թեկնածությանը։ Նա արդեն հայտարարել է, որ կշարունակի իր նախորդի քաղաքական կուրսը։
