09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Բողոքի ակցիա Բելառուսի դեսպանատան դիմաց՝ ընդդիմության նկատմամբ ճնշումների դեմ․ ՈՒՂԻՂ
Քաղաքականություն
10.09.2020 | 16:09
Արևելյան գործընկերության Քաղաքացիական հասարակության ֆորումի Հայաստանի ազգային պլատֆորմն այսօր բողոքի ակցիա է կազմակերպել Հայաստանում Բելառուսի դեսպանության դիմաց։ Պատճառը Բելառուսում հետընտրական իրադարձություններն են։
Մասնավորապես, սեպտեմբերի 5-7-ին ձերբակալվել են Արևելյան գործընկերության Քաղաքացիական հասարակության ֆորումի անդամ բելառուս երեք հասարակական գործիչներ՝ Իրինա Սուխիյը, Անդրեյ Յահորաուն և Ստանիսլավա Հուսակովան:
Արևելյան գործընկերության Քաղաքացիական հասարակության ֆորումի Ղեկավար կոմիտեն քննարկել է այս խնդիրը, հայտարարություն ընդունել և առաջարկել Արևելյան գործընկերության պետություններում իրականացնել բողոքի ակցիաներ՝ ի պաշտպանություն ձերբակալված բելառուս գործընկերների:
Ֆորումի Հայաստանի ազգային պլատֆորն այսօրվա բողոքի ակցիայով կոչ է անում անհապաղ դադարեցնել բելառուս իրավապահ մարմինների կողմից քաղաքացիական հասարակության, երիտասարդների և այլախոհների հանդեպ բռնությունը և բռնաճնշումները, ինչպես նաև հորդորում է Բելառուսի իշխանություններին՝ կառուցողական երկխոսություն սկսել ընդդիմության ներկայացուցիչների հետ:
