28.11.2024 | 12:40
Թուրքիայում 4,1 մագնիտուդով երկրաշարժ է տեղի ունեցել
Խոշոր հրդեհ Բեյրութի՝ պայթյունից տուժած նավահանգստում. ՈՒՂԻՂ
Քաղաքականություն
10.09.2020 | 15:30
Լիբանանի մայրաքաղաք Բեյրութի՝ օգոստոսի սկզբին պայթյունից տուժած նավահանգստում խոշոր հրդեհ է բռնկվել։ Այս մասին հաղորդում են ռուսական լրատվամիջոցները։
ՌԻԱ Նովոստիի թղթակցի հաղորդմամբ՝ ծխի սյունը տեսանելի է նավահանգստից երեք կիլոմետր հեռավորությամբ։
Լիբանանի Կարմիր խաչի ընկերակցության գլխավոր տնօրենն OTV հեռուստաալիքին ասել է, որ պատճառը նավահանգստում աղբակույտերի հրդեհումն է։
Տեղական լրատվամիջոցների հաղորդմամբ էլ՝ հրդեհը բռնկվել է Duty Free-ի տարածքի պահեստներից մեկի տարածքում։ Al Arabiya-ի տվյալներով էլ՝ կրակը բռնկվել է նավահանգստի տարածքում տեղակայված անվադողերի և վառելիքա-քսանյութերի պահեստում։
Դեպքի վայրում հրշեջներ և զինվորականներ են աշխատում՝ փորձելով տեղայնացնել կրակը։
Հիշեցնենք, որ օգոստոսի 4-ին Բեյրութի նավահանգստում տեղի ունեցած հզոր պայթյունի հետևանքով 190 մարդ զոհվեց, 6.500-ը՝ տուժեց։ Պայթյունի հետևանքով հազարավոր տներ ու շինություններ են ոչնչացել ու վնասվել, ավելի քան 300 հազար մարդ առանց տանիքի է մնացել։
