18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Պատգամավորները կենդանիների նկատմամբ պատասխանատու վերաբերմունքի մասին օրինագիծ են մշակել. ՏԵՍԱՆՅՈՒԹ
Հասարակություն
10.09.2020 | 15:00
ԱԺ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի այսօրվա նիստում քննարկվում է խորհրդարանի փոխխոսնակ Լենա Նազարյանի և պատգամավոր Մերի Գալստյանի հեղինակած՝ «Կենդանիների նկատմամբ պատասխանատու վերաբերմունքի մասին» ՀՀ օրենքի նախագիծը և հարակից օրենքներում փոփոխությունների մասին նախագիծը:
Ըստ հիմնավորման՝ օրենքի նախագծի և հարակից օրենքների նախագծերի ընդունման անհրաժեշտությունը պայմանավորված է այն հանգամանքով, որ Հայաստանի Հանրապետությունում գործող օրենսդրական կարգավորումները լիարժեք չեն սահմանում և չեն կարգավորում ոչ վայրի կենդանիների հետ կապված իրավահարաբերությունները և կենդանիների պաշտպանության իրավական մեխանիզմները:
Օրենսդրական այս նախագծում ներառված են կենդանիների նկատմամբ պատասխանատու վերաբերմունքի հիմնական պահանջներն ու սկզբունքները՝ ելնելով միջազգային փորձից: Նախագծերի ընդունման և կիրարկման արդյունքում ակնկալվում է նվազեցնել կենդանիների նկատմամբ դաժան վերաբերմունքը և անպատասխանատու գործողություններ պարունակող բացասական երևույթները: Սահմանված է պատասխանատվության ամբողջ շրջանակը:
Մանրամասները՝ տեսանյութում:
