19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Լիլիթ Մակունցը Ջուլֆալակյանի՝ մանդատը վայր դնելու որոշման մասին. ՏԵՍԱՆՅՈՒԹ
Քաղաքականություն
10.09.2020 | 13:10
Այս պահին այդ հարցի վերաբերյալ մեկնաբանություն չեմ տալիս։ Երբ անհրաժեշտություն լինի՝ անպայման կտեղեկացնենք։ Այսօր խորհրդարանում՝ լրագրողների հետ ունեցած ճեպազրույցում, այս մասին ասաց իշխող «Իմ քայլը» խմբակցության ղեկավար Լիլիթ Մակունցը՝ ի պատասխան Արսեն Ջուլֆալակյանի՝ պատգամավորական մանդատը վայր դնելու որոշման պատճառներին վերաբերող հարցերի։
Խնդիրներ եղե՞լ են Ջուլֆալակյանի հետ, թե՞ ոչ՝ Մակունցը չասաց։ «Խնդրում եմ ի գիտություն ընդունել Արսեն Ջուլֆալակյանի հրապարակումը»,- նշեց նա։
Մակունցը դժվարացավ պատասխանել, թե այս հարցի շուրջ խմբակցությունում քննարկում տեղի կունենա՞, թե՞ ոչ։
Հիշեցնենք, որ երեկ Արսեն Ջուլֆալակյանը գրառմամբ տեղեկացրել էր, որ հրաժարվում է պատգամավորական մանդատից՝ ԿԳՄՍ նախարար Արայիկ Հարությունյանի հետ ունեցած սկզբունքային անհամաձայնությունների պատճառով։
Մանրամասները՝ տեսանյութում:
Մերի Մարտիրոսյան
