12.10.2026 | 11:55
Տիգրան Ավինյանը ներկայացրեց քաղաքապետարանի հանրակրթության վարչության պետի պաշտոնակատարին
ԵՀ-ն օգնություն կտրամադրի հունական Լեսբոս կղզու փախստականներին․ կղզում արտակարգ իրավիճակ է հայտարարվել
Քաղաքականություն
09.09.2020 | 20:33
Հունական Լեսբոս կղզում տեղակայված փախստականների «Մորիա» ճամբարում գիշերը բռնկված հրդեհից հետո ԵՄ ներքին գործերի հանձնակատար Իլվա Յոհանսոնը հայտնել է ֆինանսական օգնություն հատկացնելու որոշման մասին՝ ճամբարից 400 երեխաների և դեռահասների անհապաղ մայրցամաք փոխադրելու համար։ Այս մասին հաղորդում է DW-ի ռուսական ծառայությունը։
««Մորիա»-ում գտնվող բոլոր մարդկանց անվտանգության և կեցության հարցերն առաջնային են»,- Twitter-ում գրել է Յոհանսոնը։
«Մորիա»-ն փախստականների խոշորագույն ճամբարն է ամբողջ Եվրոպայում։ Տարիներ շարունակ այն գերբեռնված է։ Հունաստանի իշխանությունների տվյալներով՝ վերջին շրջանում այնտեղ 12.600 մարդ էր ապրում, չնայած ճամբարը նախատեսված է 2.800 մարդու համար։
Սեպտեմբերի 9-ի գիշերը «Մորիա»-ում միանգամից մի քանի հատվածում հրդեհ է բռնկվել։ Դրան նախորդել են անկարգությունները միգրանտների շրջանում՝ կապված այն բանի հետ, որ անցյալ շաբաթ, կորոնավիրուսի վարակի առաջին դեպքի հայտնաբերումից հետո, ճամբարում կարանտին է սահմանվել։ Հունական ANA գործակալության փոխանցմամբ՝ ճամբարի բնակիչները բողոքել են մեկուսացման դեմ։ Վերջին տվյալներով՝ այնտեղ կորոնավիրուսի 35 դեպք է արձանագրվել։
Հրշեջների արհմիության ղեկավարն առավոտյան հաղորդել է, որ «Մորիա»-ն 99%-ով այրվել է։
Միաժամանակ, հաղորդվել է, որ հրդեհից հետո Լեսբոս կղզում արտակարգ իրավիճակ է սահմանվել։
