02.04.2026 | 18:45
Իրանում ավիահարվածի հետևանքով կարևոր կամուրջ է վնասվել
Մանկական «Եվրատեսիլը» կանցկացվի հեռուստակամուրջի ձևաչափով
Մշակույթ
09.09.2020 | 15:55
Մանկական «Եվրատեսիլ» երգի մրցույթը կանցկացվի Լեհաստանում, հեռուստակամուրջի ձևաչափով։ ՌԻԱ Նովոստիի փոխանցմամբ՝ այս մասին հայտնել են մրցույթի կազմակերպիչները։
«COVID-19-ի համաճարակի պատճառով շոուն այս տարի այլ ձև կունենա։ «Եվրատեսիլ» 18-րդ մանկական երգի մրցույթը կանցկացվի Վարշավայում ստուդիայից ուղիղ եթերով՝ վարողներով և անհրաժեշտ թիմով, սոցիալական հեռավորությամբ»,- ասվում է հաղորդագրությունում։
Նշվում է, որ երգերը կկատարվեն յուրաքանչյուր մասնակից երկրի ստուդիայում։
«COVID-19-ի հետ կապված ուղևորությունների սահմանափակումներն ու ընթացիկ խնդիրները, ցավոք, նշանակում են, որ չենք կարող բոլոր արտիստներին Լեհաստան փոխադրել՝ մանկական մրցույթին անձամբ մասնակցելու համար»,- ստեղծված իրավիճակը մեկնաբանել է մրցույթի գործադիր տնօրեն Մարտին Օստերդալը։
Մրցույթի արդարությունն ապահովելու և բոլոր երիտասարդ արտիստների ելույթները հավուր պատշաճի ներկայացնելու համար Հեռարձակողների եվրոպական միության (EBU) անդամները բեմի նույնատիպ նախագծում և տեխնիկական հագեցվածություն կապահովեն մասնակից բոլոր 13 երկրներում։
Նշենք, որ մրցույթի եզրափակիչ փուլին մասնակցելու են երիտասարդ տաղանդներ 13 երկրներից՝ Հայաստանից, Ռուսաստանից, Բելառուսից, Ֆրանսիայից, Վրաստանից, Ղազախստանից, Մալթայից, Նիդերլանդներից, Սերբիայից, Իսպանիայից, Ուկրաինայից, Լեհաստանից և Գերմանիայից։
