Քաղաքականություն
07.12.2017 | 16:54
Հորդանան գետի արևմտյան ափին ու Գազայում բախումներ են սկսվել պաղեստինցիների ու իսրայելական ուժերի միջև. հայտնում է ria.ru-ն:
«Ընթանում են բախումներ: Այժմ փորձում ենք պարզել մանրամասները»,- ասել է գործակալության աղբյուրը:
Նշվում է, որ Պաղեստինում համընդհանուր գործադուլ է սկսվել, որն առաջնորդել են պաղեստինյան քաղաքական ուժերը: Իսրայելական հսկիչ-անցագրային կետերի մոտ կառուցվում են բարիկադներ, մարդիկ մեքենաների անիվներ են այրում:
Ինչպես ավելի վաղ տեղեկացրել էր Factor.am-ը ԱՄՆ նախագահ Դոնալդ Թրամփը հայտարարել էր Երուսաղեմը՝ որպես Իսրայելի մայրաքաղաք ճանաչելու իր որոշման մասին: «Ես որոշեցի, որ հիմա է Երուսաղեմը՝ որպես Իսրայելի մայրաքաղաք պաշտոնապես ճանաչելու ժամանակը»,- ասել է ամերիկացի առաջնորդը`ելույթ ունենալով հատուկ կոչով:
