19.09.2026 | 13:33
ԱԺ պատվիրակությունը սեպտեմբերի 27-ից հոկտեմբերի 2-ը կմեկնի Ստրասբուրգ
ԵՄ-ն ու ԱՀԿ-ն շարունակում են աջակցել Հայաստանին պայքարելու կորոնավիրուսային համավարակի դեմ
Քաղաքականություն
08.09.2020 | 17:17
Եվրոպական միությունն ու ԱՀԿ-ն շարունակում են աջակցել Հայաստանին պայքարելու կորոնավիրուսային համավարակի դեմ՝ տրամադրելով անհրաժեշտ բժշկական պարագաներ և սարքավորումներ, ինչպես նաև նպաստել կարողությունների զարգացմանը:
«Այսօր, ԵՄ դեսպան Անդրեա Վիկտորինը և ԱՀԿ հայաստանյան ներկայացուցիչ Եգոր Զայցևը ՀՀ առողջապահության նախարարի տեղակալ Լենա Նանուշյանին են հանձնել 100 թթվածնի խտացուցիչ, 20 էլեկտրասրտագրության սարք, 10,000 ՊՇՌ թեստ՝ ՔՈՎԻԴ-19-ի ախտորոշման համար: Թեստերն ու սարքավորումները կտրամադրվեն ազգային լաբորատորիային և առողջապահական հաստատություններին: Այս բժշկական պարագաներն ու սարքավորումները կօգնեն բարձրացնել թեստավորման կարողությունները և օգնել հիվանդներին ապաքինվել ՔՈՎԻԴ-19-ի հետևանքով առաջացած ծանր հիվանդությունից: Միասին մենք ուժեղ ենք»,- ասված է ԵՄ-ն Հայաստանում ֆեյսբուքյան էջում:
