18.11.2024 | 15:51
Անընդունելի է․ Կրեմլը՝ ռուս-ուկրաինական պատերազմի սառեցման Էրդողանի ծրագրի մասին
Մինսկը հայտնել է Ուկրաինայում գտնվող բելառուս ընդդիմադիրների ձերբակալության մասին
Քաղաքականություն
08.09.2020 | 12:57
Բելառուս ընդդիմադիր գործիչներ Իվան Կրավցովն ու Անտոն Ռոդնենկովը ձերբակալվել են Ուկրաինայի պետական ծառայության կողմից։ ՏԱՍՍ-ին այս մասին հաղորդել է Բելառուսի պետական սահմանային կոմիտեի պաշտոնական ներկայացուցիչ Անտոն Բիչկովսկին։
«Կրավցովն ու Ռոդնենկովը ձերբակալվել են երկու պետությունների սահմանային ծառայությունների միջև փոխգործակցության կարգին համապատասխան»,- ասել է նա։
Հիշեցնենք՝ ավելի վաղ հայտնի էր դարձել, որ Ռոդնենկովն ու Կրավցովը Ուկրաինայի տարածքում են, իսկ Մարիա Կոլեսնիկովան երկրից հեռանալու փորձի ժամանակ ձերբակալվել է։
Միաժամանակ, Բելառուսի նախագահի նախկին թեկնածու Սվետլանա Տիխանովսկայան պահանջել է անհապաղ ազատ արձակել Մարիա Կոլեսնիկովային և Բելառուսի Ընդդիմության համակարգող խորհրդի ձերբակալված մյուս անդամներին։
Տիխանովսկայան ընդգծել է, որ Համակարգող խորհրդի գլխավոր խնդիրը երկխոսության համար հարթակ ստեղծելն է։
«Այլ լուծում չկա, և Ալեքսանդր Լուկաշենկոն պետք է դա գիտակցի։ Չի կարելի ժողովրդին գերի պահել։ Օրը ցերեկով մարդկանց առևանգելով՝ Լուկաշենկոն ցուցադրում է իր վախն ու թուլությունը»,- նշել է Սվետլանա Տիխանովսկայան։
