19.09.2026 | 14:07
Թրամփը ստորագրել է Ռուսաստանի դեմ «դժոխային պատժամիջոցների» օրենքը
Իսրայելի մի շարք քաղաքներում պարետային ժամ է սահմանվել․ առանձին շրջաններում սեպտեմբերի 8-ից ուսումնական հաստատությունները կփակվեն
Քաղաքականություն
07.09.2020 | 17:17
Իսրայելի կորոնավիրուսի դեմ պայքարի միջնախարարական հանձնաժողովը որոշում է կայացրել մի շարք «կարմիր» քաղաքներում և առանձին թաղամասերում պարետային ժամ սահմանելու մասին, գրում է «Կոմսոմոլսկայա պրավդա»-ն։
Սահմանափակումները կգործեն երեկոյան ժամը 7-ից մինչև առավոտյան 5-ը։ Այդ ընթացքում փակ կլինեն բոլոր առևտրային կետերն ու ձեռնարկությունները՝ բացառությամբ կենսական անհրաժեշտության հաստատությունների։ Դեղատներին, մթերային խանութներին և հիվանդանոցներին այս սահմանափակումները չեն առնչվի։
Մի քանի քաղաքներում էլ սեպտեմբերի 8-ից կդադարեն գործել ուսումնական հաստատությունները։ Պարետային ժամը սահմանվել է որպես խիստ կարանտինին այլընտրանք։
Անհապաղ միջոցներ ձեռնարկելուհարցը հանձնաժողովի քննարկմանն է ներկայացվել վարչապետ Բենիամին Նեթանյահուի, ՆԳ նախարար Արյե Դերիի և առողջապահության նախարար Յաակով Լիցմանի միջև երկարատև քննարկումներից հետո։ Իսրայելական լրատվամիջոցների հաղորդմամբ՝ Լիցմանը համազգային կարանտին սահմանելու կոչ էր անում։
Նշենք, որ ամռան կեսերից Իսրայելում կորոնավիրուսով հիվանդացության մակարդակը շարունակում է մնալ աշխարհում ամենաբարձրերից մեկը, և երկիրը վճռական միջոցառումների կարիք ուներ՝ հիվանդության դեմ պայքարելու համար։
Այսօրվա դրությամբ՝ Իսրայելում 131.970 վարակակիր կա, մինչ օրս 1.022 մահ է արձանագրվել։
