19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ինքնամեկուսացվող անձին ինչո՞ւ չպետք է տրամադրել բժշկական խորհրդատվություն, սնունդ․ Սամսոնյան. ՏԵՍԱՆՅՈՒԹ
04.09.2020 | 12:17
Կառավարության առաջարկած օրենսդրական փաթեթով նախատեսվող պայմանները որևէ կերպ չեն տարբերվում արտակարգ դրության պայմաններից։ Այս մասին այսօր ԱԺ արտահերթ նիստում ասաց «Լուսավոր Հայաստան» խմբակցության պատգամավոր Անի Սամսոնյանը։
Նրա խոսքով՝ ակնկալվում էր ավելի ճկուն գործիքակազմ, որ արտակարգ դրության վերացումից հետո հնարավոր լիներ վիճակի թեթևացում։
Սամսոնյանը նաև հարց ուղղեց արդարադատության փոխնախարար Ռաֆիկ Գրիգորյանին․ «Օրենքով սահմանվում է, որ մեկուսացման վայրում անձին կարող է տրամադրվել բավարար պայմաններ՝ բժշկական խորհրդատվություն, սնունդ, այսինքն՝ ամեն ինչ՝ նրա ժամանակավոր կեցության համար։ Բայց ինքնամեկուսացման պարտադրվող մարդը, ուզում եմ հասկանալ, ինչո՞ւ այս պայմանները նրան ևս չպիտի տրամադրել, որովհետև այս ընթացքում շատ մարդիկ են եղել, որ զանգահարել են, ասել են՝ ինձ պարտադրել են մեկուսանալ և ես զրկվել եմ իմ աշխատանքից կամ ես միայնակ եմ ապրում և որևէ օգնություն, աջակցություն չեմ ստանում»։
Հիշեցնենք, որ ԱԺ-ն այսօր քննարկում է Կառավարության ներկայացրած օրենսդրական փաթեթը, որի ընդունումը հնարավորություն կտա այլևս չերկարաձգել Հայաստանում հայտարարված արտակարգ դրությունը:
Մանրամասները՝ տեսանյութում։
