16.09.2026 | 10:32
Սան Պաուլո. Էլինա Ավանեսյանը հաղթել է և կարող է մրցել Ալինա Չարաևայի հետ
Ո՞ւմ ուղղությամբ է Սերժ Սարգսյանի հաջորդ կրակոցը. Վիգեն Սարգսյանը որևէ կապ չունի Հայկազ Բաղմանյանի ազատման հետ. ՀԺ
07.12.2017 | 09:36
«Հայկական ժամանակ» թերթը գրում է. «Գեներալ-լեյտենանտ Հայկազ Բաղմանյանի աղմկոտ պաշտոնանկության վերաբերյալ մի քանի հարց ուղղեցինք քաղաքագետ Արմեն Բաղդասարյանին:
– Պարոն Բաղդասարյան, ի՞նչ կասեք գեներալ Բաղմանյանի ազատման մասին, հնարավո՞ր է, որ նրա նկատմամբ քրեական հետապնդում սկսվի:
– Ճիշտն ասած, չեմ կարող ասել, համենայնդեպս Հայաստանում նախադեպ չկա, որ այդպիսի բարձրաստիճան զինվորականի նկատմամբ քրեական հետապնդում լինի, այսինքն, եթե այդպիսի բան լինի, դա նախադեպ կդառնա: Ուրիշ բան, որ ինքը մի քիչ վատ տոնայնությամբ աշխատանքից ազատվեց:
– Ձեր կարծիքով, ինչո՞ւ նույն հորդորը չարեց Սեյրան Օհանյանը, Վիգեն Սարգսյանի պահանջնե՞րն են ավելի շատ, թե՞ հասունացել էր պահը:
– Ես կարծում եմ, ընդհանրապես բարձրաստիճան գեներալիտետի պարագայում որոշողը ո՛չ Վիգեն Սարգսյանն է, ո՛չ էլ Սեյրան Օհանյանն էր, արդեն ժամանակն էր, պահը հասունացել էր:
Ես չեմ կարծում թե Վիգեն Սարգսյանը կարող էր դա առանց նախագահի իմացության անել, այսինքն՝ մենք պետք է խոսենք թե ո՞ւմ ուղղությամբ է Սերժ Սարգսյանի հաջորդ կրակոցը:
– Պարոն Բաղդասարյան, իսկ ձեր կարծիքով՝ ինչպե՞ս կանդրադառնա այս ազատումը Վիգեն Սարգսյանի հետագա քաղաքական կարիերայի վրա:
– Ես կարծում եմ՝ որևէ կերպ չի անդրադառնա, ես կարծում եմ, որ Վիգեն Սարգսյանը որևէ կերպ կապ չունի այս ամենի հետ»:
Առավել մանրամասն՝ թերթի այսօրվա համարում:
