10.06.2026 | 10:30
Արգենտինայի հավաքականը հաղթել է խոշոր հաշվով, Մեսին վերադարձը նշել է գոլով․ ՏԵՍԱՆՅՈՒԹ
Հայաստանում ՀԿԵ-ի աշխատանքի հետ կապված տարաձայնությունները վերացված են. ՌԴ տրանսպորտի նախարարություն
Տնտեսություն
02.09.2020 | 17:09
Ռուսաստանի տրանսպորտի նախարարությունն ու Հայաստանի տարածքային կառավարման և ենթակառուցվածքների նախարարությունը կարգավորել են Հարավկովկասյան երկաթուղու գործունեության հետ կապված տարաձայնությունները. այս մասին տեղեկանում ենք ՌԴ տրանսպորտի նախարարության կայքից:
Այսօր համապատասխան արձանագրություն են ստորագրել ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը և Ռուսաստանի տրանսպորտի փոխնախարար, երկաթուղային տրանսպորտի դաշնային գործակալության ղեկավար Վլադիմիր Տոկարևը։
«Փաստաթղթում ամրագրված է, որ Ռուսաստանի և Հայաստանի պրոֆիլային նախարարություններն ընդունել են ընկերության գործունեության անկախ աուդիտորական ստուգումների արդյունքները։ Ստուգվել է 2008թ–ին կնքված կոնցեսիոն պայմանագրի գործողության ողջ ընթացքը: Հաստատվել է նաև ՀԿԵ-ի կողմից իր ներդրումային պարտավորությունների ամբողջական կատարումը և կողմերի պահանջների բացակայությունը», – ասված է հաղորդագրության մեջ:
Արձանագրության ստորագրումը կարևոր դեր է խաղում ՀԿԵ-ի առջև ծառացած մի շարք խնդիրների լուծման գործում: Խոսքը գնում է ինչպես ապրանքների և ուղևորների փոխադրումների ծավալը մեծացնելու, այնպես էլ երկաթուղային շարժակազմը թարմացնելու մասին:
Կողմերն ընդգծել են ստորագրված փաստաթղթի նշանակությունը և նշել, որ այն կնպաստի մեր երկրների տնտեսական համագործակցության հետագա զարգացմանը:
