15.06.2026 | 13:01
Կփոխվի ԱԺ պատգամավորների երդման տեքստը․ Ալեն Սիմոնյանն օրենսդրական 3 նախաձեռնության մասին է հայտնել
Մարդիկ օգտվում են արտոնությունից, 2 տարի հետո ասում են՝ սխալ ես օգտվել, 700 հազար պետք է վերադարձնես
Քաղաքականություն
06.12.2017 | 17:53
ԱԺ «Ելք» խմբակցության պատգամավոր Նիկոլ Փաշինյանն այսօր կառավարության հետ հարցուպատասխանի ժամանակ խնդրեց պարզաբանել՝ ինչպե՞ս է ստացվել, որ հիպոթեքով բնակարան ձեռք բերած քաղաքացիներից, որոնց եկամտահարկը պետությունը վերադարձնում է, այժմ հետ են պահանջում՝ պատճառաբանելով, որ սխալմունք է եղել:
«Մարդիկ բնակարանը գնել են, օգտվել են այդ հնարավորությունից, հիմա էլ գրություն են ստանում, թե ճիշտ չեն ստացել և տասը օրվա ընթացքում պետք է վերադարձնեն 500, 600, 700 հազար դրամները, հակառակ դեպքում՝ դատական կարգով կբռնագանձվի»,- նշեց ընդդիմադիր պատգամավորը՝ նկատելով, որ սխալմունքի պատճառը պետական կառույցներն են:
Ֆինանսների նախարար Վարդան Արամյանը հստակեցրեց՝ եկամտահարկն, իհարկե, գործատուն է վճարում, սակայն շահառուները պետք է ներկայացնեն անհրաժեշտ փաստաթղթեր:
«Եթե կարելի է նշված դեպքերը մեզ ներկայացրեք, հասկանանք՝ խնդիրն ինչն»,- ասաց Ֆինանսների նախարարը:
Մանրամասները՝ տեսանյութում:
