08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԵՊՀ դասախոսների աշխատավարձը կբարձրանա 10 %-ով․ Գեղամ Գևորգյան. ՏԵՍԱՆՅՈՒԹ
Հասարակություն
02.09.2020 | 13:08
Արդյո՞ք Երևանի պետական համալսարանում ուսման թանկացումն ազդելու է դասախոսների աշխատավարձի վրա։ Այս հարցին այսօր հրավիրված ասուլիսի ժամանակ պատասխանեց ԵՊՀ ռեկտորի պաշտոնակատար Գեղամ Գևորգյանը։
«Անպայման։ Դրա արդյունքում՝ միջինում 10 տոկոսով կբարձրանա դասախոսների աշխատավարձը։ Դեկտեմբերին կայացած գիտական խորհրդի նիստում ես հայտարարել եմ, որ կվերանայվեն դասախոսների և այն ստորաբաժանումների աշխատավարձերը, որոնք կկարողանան իրենց բաժանմունքում օպտիմալացման հաշվին տնտեսեն փողեր։ Այդպիսի ստորաբաժանումներ կան, և նրանց աշխատավարձերը կբարձրանան։ Ես դեռևս մայիս ամսին գրությունները պատրաստել եմ հոգաբարձուների խորհրդին ուղվված, արդեն էդ գրությունները տրամադրել եմ պարոն Մուրադյանին, որ առաջիկա հոգաբարձուների խորհրդի նիստում քննարկվի այդ հարցը։ Հաստիքացուցակը հաստատում է հոգաբարձուների խորհուրդը, ես առաջարկս ներկայացրել եմ դասախոսների աշխատավարձը 10 տոկոսով բարձրացնելու, նաև բարձրանալու է դեկանների աշխատավարձերը, մյուսների աշխատավարձը չի բարձրանալու։
Գեղամ Գևորգյանի խոսքով՝ այդ բարձրացման համար միայն վարձավճարների ավելացումը չի հերիքելու, իսկ մնացած մասն ավելացվելու է գնումների գործընթացից ավելի քան 100 մլն խնայողության հաշվին։
Մանրամասները՝ տեսանյութում։
