07.03.2026 | 10:03
Ճամբարակ-Բերդ ավտոճանապարհը փակ է
Որքա՞ն պետք է սպասենք, որ Կառավարությունը Վանաձորում նոր ընտրություններ նշանակի. Մանե Թանդիլյան
Քաղաքականություն
06.12.2017 | 17:24
Ազգային ժողովում կառավարության հետ հարցուպատասխանի ընթացքում ԱԺ «Ելք» խմբակցության պատգամավոր Մանե Թանդիլյանը հետաքրքրվեց՝ ինչքան պետք է սպասեն, որպեսզի կառավարությունը Վանաձորում նոր ընտրություններ անցկացնելու որոշում կայացնի:
«Ուղիղ մեկ տարի առաջ Վանաձորի ավագանու ընտրությունների ժամանակ հատուկ ահաբեկչական գործողությունների արդյունքում մանդատագողություն տեղի ունեցավ և ընդդիմադիր ձայները հօդս ցնդեցին: Մեկ տարի շարունակ ավագանու ՀՅԴ և Հանրապետական խմբակցությունները ապօրինի, հակասահմանադրական նսիտեր էին հրավիրում և կայացնում որոշումներ, որոնք, ըստ էության, ՍԴ-ն ճանաչեց հակասահմանադրական»,-նշեց Մանե Թանդիլյանը:
Արձագանքելով հարցին՝ արդարադատության նախարար Դավիթ Հարությունյանն ասաց. «Այո՛, Սահմանադրական դատարանը օրենքի որոշակի նորմեր, որոնց հիման վրա գործել է Վանաձորի ավագանին, Սահմանադրությանը չհամապատասխանող է ճանաչել: Միաժամանակ սահմանվել է ժամկետ, թե երբ են այդ դրույթները կորցնելու ուժը: Հիմա մենք Վանաձորում ունենք նոր իրողություն, եթե այդ իրավիճակը հնարավորություն ընձեռի, որպեսզի ավագանին պատշաճ գործի, ապա որևէ հիմք ավագանու լիազորությունները վերանայելու, մենք չենք տեսնում»։
Մանրամասները՝ տեսանյութում:
