Քաղաքականություն
01.09.2020 | 14:10
Ռուսաստանում կորոնավիրուսով վարակվածների թիվը գերազանցել է 1 միլիոնը՝ հասնելով 1․000․048-ի։
«Ինտերֆաքս»-ի փոխանցմամբ՝ մեկ օրվա ընթացքում վարակի 4․729 նոր դեպք է գրանցվել։ Օպերատիվ շտաբի տվյալներով՝ նոր դեպքերի աճի տեմպերը զգալիորեն նվազել են։
Մեկ օրվա ընթացքում կորոնավիրուսի նոր դեպքեր են հայտնաբերվել երկրի 84 շրջաններում։ Միայն մայրաքաղաք Մոսկվայում 641 նոր վարակված կա։
Միաժամանակ, մեկ օրում 123 մարդ է մահացել։ Այսպիսով, կորոնավիրուսից մահացության ցուցանիշը ՌԴ-ում հասել է 17.299-ի։
Ապաքինվել է 815․705 մարդ, որոնցից 6․318-ը՝ վերջին 24 ժամվա ընթացքում։
