Հասարակություն
01.09.2020 | 13:51Նոր ձևավորվելիք աշխարհազորում ներգրավված կլինեն նաև կանայք` որևէ խտրականությունայս առումով չի լինելու։ Այսօր հրավիրված ասուլիսի ժամանակ վստահեցրեց ՀՀ պաշտպանության փոխնախարար Գաբրիել Բալայանը։
Պաշտոնյայի խոսքով, սակայն նախնական փուլում կանայք մարտական ակտիվ գործողությունների մասնակից չեն դառնա։ Փոխնախարարը հիշեցրեց` պահեստազորում նույնպես ներգրավված կանայք, որոնք անցել են զինվորական ծառայություն։
Նա նշեց նաև, որ արդեն մի քանի տարի է, որ ռազմաուսումնական հաստատություններում աղջիկներ են ընդունվում։ Բալայանն ընդգծեց` կան կայացած կին սպաներ, ավելին, կան դասակներ, որոնք շատ ավելի կարգապահ են։
Նրա խոսքով՝ կնոջ ներկայությունը զսպվածություն է առաջացնում զինծառայողների մոտ։
Մանրամասները՝ տեսանյութում։
Լիլիթ Շաբոյան
