18.11.2024 | 16:36
Տեղի է ունեցել Ազգային փոքրամասնությունների հարցերով խորհրդի նիստը
Լիբանանը նոր վարչապետ ունի
01.09.2020 | 10:49
Խորհրդարանական խմբակցությունների հետ խորհրդակցություններից հետո Լիբանանի նախագահ Միշել Աունը վարչապետ է նշանակել Մուստաֆա Ադիբին եւ հանձնարարել է նրան կառավարություն ձեւավորել։ Այս մասին տեղեկացնում է euronews-ը։
Վարչապետի պաշտոնում Ադիբի թեկնածությունն առաջարկել է սուննի համայնքը։ Գերմանիայում դեսպան աշխատած լիբանանյան դիվանագետը ստացել է 128 պատգամավորներից 90-ի աջակցությունը։
Լիբանանն առանց կառավարության էր մնացել օգոստոսի 10-ից՝ Բեյրութի նավահանգստում տեղի ունեցած պայթյունից եւ տեխնոկրատ Հասան Դիաբիի գլխավորած կառավարության հրաժարականից հետո։
Պայթյունը տեղի էր ունեցել սոցիալ-տնտեսական ճգնաժամի եւ հակակառավարական զանգվածային գործողությունների համապատկերին։ Տարբեր հաշվարկներով՝ Բեյրութի վերականգնման համար կպահանջվի մինչեւ 15 միլիարդ դոլար։ Երկուշաբթի երեկոյան՝ մեկ ամսվա մեջ երկրորդ անգամ, Լիբանանի մայրաքաղաք է ժամանել Ֆրանսիայի նախագահ Էմանուել Մակրոնը։
Երկօրյա այցի ընթացքում լիբանանյան քաղաքական գործիչների հետ նա քննարկելու է բարեփոխումներ անցկացնելու հարցը։ Ավելի վաղ Մակրոնը հատարարել էր, որ մենակ չի թողնի Լիբանանին, որտեղ կարող է կրկին քաղաքացիական պատերազմ բռնկվել՝ տարածաշրջանային ուժերի հակամարտության պատճառով։
