29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Ներգնա տուրիզմի հետ կապված ակնկալիքները պետք է մոռանանք այս տարի․ տնտեսագետ. ՏԵՍԱՆՅՈՒԹ
Տնտեսություն
28.08.2020 | 14:14
Տնտեսական ցուցանիշներում այս շրջանում առավել մտահոգողը տուրիզմի տվյալներն են։ Այս մասին այսօր «Տնտեսական անկումը շարունակվում է. ի՞նչ սպասել տարեվերջին թեմայով քննարկման ժամանակ ասաց տնտեսագետ Վահագն Խաչատրյանը։
«Ներգնա տուրիզմի հետ կապված պետք է այս տարի մոռանանք այն ակնկալիքները, որ ունեինք։ Շատ քիչ կունենանք ու այդ հանգամանքը որևէ ծրագիր կազմելիս կամ կանխատեսում անելիս պետք է հաշվի առնենք»,- նշեց տնտեսագետը։
Վերջինիս խոսքով՝ մի խնդիր կա, որի լուծումը մեզնից է կախված․ խոսքը շինարարության ոլորտի մասին է․ «Երբ հետաքրքրվում ենք անկման պատճառների մասին, ըստ էության՝ ներքին խնդիրներն են, զուտ շատ դեպքերում շինթույլտվությունները, կազմակերպական հարցեր, նախագծերի հաստատումները։ Բայց այստեղ մի ֆենոմեն կա․ շինարարական մեր ամբողջ հզորությունը ծանրաբեռնված է ՀՀ-ում։ Ես մի գործարարի հետ էի խոսում, նա փնտրում էր լայնամասշտաբ մի ծրագիր իրականացնող շինարարական կազմակերպություն և հարցումներ անելու միջոցով դեռևս չէր գտնում։ Մի օր փնտրում էր։ Այսինքն՝ այսօր այնպիսի վիճակ է, որ ՀՀ-ի շինարարական ամբողջ բազան ծանրաբեռնված է և հույս ունեմ, որ երբ հոկտեմբերին կամփոփվի երրորդ եռամսյակը, շինարարության վերաբերյալ կունենանք ավելի լավ թվեր, և դա նպաստող կլինի մնացած բացասական երևույթները վերացնելու առումով»,- նշեց Խաչատրյանը։
Մանրամասները՝ տեսանյութում։
