11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
Բեռլինն արգելում է սահմանափակումների դեմ անցկացվելիք ցույցը
Քաղաքականություն
27.08.2020 | 23:00
Բեռլինի քաղաքապետարանն արգելել է շաբաթավերջի համար այստեղ նախատեսված ցույցը, որի մասնակիցները որոշել էին բողոքել կորոնավիրուսի համաճարակի պատճառով ուժի մեջ մտցված սահմանափակումների դեմ: Քաղաքապետարանն այսպիսի որոշում է կայացրել, քանի որ ամսվա սկզբին անցկացված ցույցի կազմակերպիչներին չէր հաջողվել ապահովել մասնակիցների սոցիալական հեռավորությունը, ինչպես նաև դիմակների կրումը. հաղորդում է VOA-ն:
Ինչպես Գերմանիայի մայրաքաղաքի ներքին գոծերի բաժնի ղեկավար Անդրեաս Գայզելն է ասել, իշխանությունները ստիպված են եղել հավասարակշռություն պահպանել հավաքների իրավունքի և համաճարակից մարդկանց պաշտպանելու պարտավորության միջև:
Նրա խոսքերով, Բեռլինում և ընդհանրապես ամբողջ Գերմանիայում կորոնավիրուսի դեպքերի նոր աճի պայմաններում հազարավոր մարդկանց մասնակցությամբ հավաքները վտանգի տակ են դնում ոչ միայն մասնակիցների, այլ նաև նրանց կյանքը, ովքեր կարող են վարակվել ցույցի մասնակիցներից:
Գերմանիային հաջողվել է եվրոպական մեծ թվով երկրների համեմատ ցածր մակարդակի վրա պահել կովիդ 19 հիվանդության ու դրա արդյունքում մահացությունների թիվը: Սակայն հուլիս ամսից նոր դեպքերի թիվը սկսել է գրանցել աճ: Վերջին շաբաթների ընթացքում տարածման արագությունն ավելի է մեծանում:
Սահմանափակումների դեմ Բեռլինում վերջին ցույցը 20 հազար մարդկանց մասնակցությամբ անցկացվել էր օգոստոսի 1-ին, որին հիմնականում մասնակցել էին ազատականներն ու ծայրահեղ աջթևայինները, ինչպես նաև պատվաստումների դեմ հանդես եկող ակտիվիստները:
