24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Ինչո՞ւ է Արսեն Թորոսյանը բացակայում Կառավարության նիստից
27.08.2020 | 11:29
Այսօր Կառավարության հեթական նիստում ՀՀ վարչապետ Նիկոլ Փաշինյանը ներկայացրեց կորոնավիրուսի արձանագրված դեպքերն ու հակահամաճարակային իրավիճակը Հայաստանում։
Նշենք, որ Կառավարության նիստերին հակահամաճարակային իրավիճակը ներկայացնում է առողջապահության նախարար Արսեն Թորոսյանը։ Վերջինս, սակայն, այսօր ներկա չէ նիստին։ Նրան փոխարինում է առողջապահության փոխնախարար Անահիտ Ավանեսյանը։ Factor.am-ը առողջապահության նախարարի մամուլի խոսնակ Ալինա Նիկողոսյանից հետաքրքրվեց՝ ո՞րն է պատճառը, որ Կառավարության նիստին նախարարը ներկա չէ։
«Արսեն Թորոսյանն առավոտվանից Ազգային ժողովում է, որտեղ բյուջեն է քննարկվում։ Դա է պատճառը, որ նա ներկա չէ Կառավարության նիստին»,- նշեց Նիկողոսյանը։
Հիշեցնենք, որ վարչապետի որոշմամբ՝ Արսեն Թորոսյանը օգոստոսի 31-ից սեպտեմբերի 18-ը արձակուրդ կմեկնի։ Մամուլում լուրեր էին շրջանառվում այն մասին, որ նախարարը պատաստվում է արձակուրդից հետո հրաժարական տալ, որը, սակայն հերքվեց Արսեն Թորոսյանի մամուլի խոսնակ Ալինա Նիկողոսյանի կողմից․ «Արսեն Թորոսյանը չի ներկայացրել հրաժարականի դիմում և չի էլ պատրաստվում: Արձակուրդը վերջանալուց հետո նախարարը վերադառնալու է բնականոն աշխատանքին»։
