24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
Սաակաշվիլին հարցաքննության չի ներկայանա
Քաղաքականություն
06.12.2017 | 11:05
Վրաստանի նախկին նախագահ, «Նոր ուժերի շարժում» կուսակցության առաջնորդ Միխեիլ Սաակաշվիլին չի պատրաստվում ներկայանալ դեկտեմբերի 6-ին նշանակված հարցաքննությանը. տեղեկացնում է pravda.com.ua-ն:
«Սաակաշվիլին ընթացակարգային որևէ փաստաթուղթ չի ստորագրել և չի ստացել: Ո՛չ նա, ո՛չ նրա փաստաբանները: Նրան նույնիսկ կասկածելի լինելու մասին ծանուցում չեն տվել»,- հայտարարել է «Նոր ուժերի շարժում» կուսակցության մամուլի քարտուղար Մարիանա Պոչտարը:
Մամուլի քարտուղարը հավելել է, որ քաղաքական գործիչն այսօր Ռադայի դիմաց ճեպազրույց կանցկացնի և իրավաբանների հետ միասին կբացատրի ստեղծված իրավիճակը:
Ավելի վաղ Ուկրաինայի գլխավոր դատախազ Յուրի Լուցենկոն Ռադայում ելույթ ունենալիս Սաակաշվիլիին մեկ օր էր տվել քննիչին ներկայանալու համար:
Հիշեցնենք, որ դեկտեմբերի 5-ին Ուկրաինայի անվտանգության ծառայության աշխատակիցները խուզարկում էին իրականացրել Սաակաշվիլիի՝ Կիևի բնակարանում, ինչից հետո քաղաքական գործիչը բարձրացել էր տանիք ու սպառնացել, որ ցած կնետվի, ապա ուժայինների կողմից բերման էր ենթարկվել: Սակայն Սաակաշվիլու աջակիցները կոտրել էին Անվտանգության ծառայությանը պատկանող միկրոավտոբուսի հետևի դուռն ու ազատել նրան: Որից հետո Սաակաշվիլին Ռադայի դիմաց ելույթ էր ունեցել հավաքվածների առաջ՝ կոչ անելով դուրս գալ Մայդան ու խաղաղ իշխանափոխություն իրականացնել:
