20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Անպաշտպան մարդուն 20 հոգով մի՛ ծեծեք, դա բարբարոսություն է․ Ժաննա Ալեքսայանը դիմում է վարչապետին. ՏԵՍԱՆՅՈՒԹ
Հասարակություն
26.08.2020 | 13:36
Քրեական ենթամշակույթի բարքերը քեակատարողական հիմնարկներում առկա է բարձր մակարդակներում, և լավ կլինի՝ նախարարը ծանոթանա այդ բարքերին և նրանց հետ սեմինարներ անցկացնի օրենքի կիրառման մասին։ Այս մասին այսօր «Միջադեպ «Նուբարաշեն» ՔԿՀ-ում. համաչափ ուժի կիրառո՞ւմ, թե՞ խոշտանգում» թեմայով քննարկման ժամանակ ասաց «Լրագրողներ հանուն մարդու իրավունքների» ՀԿ-ի նախագահ Ժաննա Ալեքսանյանը։
«Եթե կրկնվում են այսպիսի դեպքերը, նշանակում է՝ նախարարն անտարբեր է այդ ամենի նկատմամբ։ Այս երկրում ամեն ինչ ձևական է։ Գլխավոր դատախազությունը ձևական քրեական գործեր է հարուցել։ Խորհրդային ժամանակների ոճով չպետք է քրեական գործեր հարուցվի, ու այդպես գնա ժամանակը, խորացվի։ Մադիկ են, չէ՞ տուժում։ Մարդիկ հոգեբանորեն և ֆիզիկապես տուժում են։ Պետք է ցանկությունը, քաղաքական կամքը լինի՝ փոխելու այդ ամենը։ Բայց մենք չենք տեսնում։ Ամենակարևորը այդ համակարգում փոփոխություն անելն է»,- նշեց Ալեքսանյանը։
Վերջինիս կարծիքով՝ հեղափոխությունն իր հետ արժեքային փոփոխություններ չի բերել: «Ես չեմ տեսնում արժեքային համակարգով աշխատող իշխանություններ, պաշտոնյաներ, ոչ մի արժեքային համակարգ չկա, և ցավում եմ դրա համար։ Մեր զգացումները շատ վսեմ էին այդ օրերին, և մեր ակնկալիքները շատ մեծ էին, բայց գոնե թույլ մի տվեք բռնության ենթարկեն մարդկանց, փակ համակարգերում հատկապես, անպաշտպան մարդուն 20 հոգով մի՛ ծեծեք, դա բարբարոսություն է»,- նշեց Ժաննա Ալեքսանյանը։
Մանրամասները՝ տեսանյութում։
