08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Քննարկվում է ընտրական իրավունքի տարիքային շեմը 16 կամ 17 սահմանելու հարցը․ Իոաննիսյան. ՏԵՍԱՆՅՈՒԹ
Հասարակություն
21.08.2020 | 15:15
Ընտրական իրավունքի տարիքային շեմի վերաբերյալ փոփոխությունների մասով քննարկվում է 3 հնարավոր սցենար։ Այս մասին այսօր Ընտրական օրենսգրքի փոփոխությունների վերաբերյալ քննարկման ժամանակ ասաց Սահմանադրական բարեփոխումների մասնագիտական հանձնաժողովում քաղհասարակության ներկայացուցիչ, ԻՔՄ գրասենյակի ղեկավար Դանիել Իոաննիսյանը։
«Առաջին տարբերակն այն է, որ թողնում ենք այնպես, ինչպես որ կա։ Ես այս սցենարի կողմնակիցը չեմ։ Մյուս տարբերակն այն է, որ իջեցվում է 17 կամ 16 տարեկան և երրորդն այն է, որ այդ տիրույթում ազատություն է տրվում օրենսդիրին, և օրենսդիրը կարող է որոշել, թե որ ընտրություններում ինչ շեմ սահմանի»,- ներկայացրեց Իոաննիսյանը։
Վերջինիս խոսքով՝ աշխարհի տարբեր երկրներում սահմանված է 18 տարեկանի շեմը․ «Բայց այդ 18-ին երկրները հասել են, ժամանակին ավելի բարձր էր։ Հայաստանի առաջին հանրապետությունը բավականին պրոգրեսիվ էր․ թե՛ կանայք, և թե՛ տղամարդիկ ունեին 18 տարեկանից սկսած ընտրելու իրավունք։ Տարբեր երկրներում պիլոտային փորձարկում են 16-ն ու 17-ը։ Գերմանիայի որոշ գյուղերում կրկին ավելի երիտասարդ տարիքում կարող են մասնակցել տեղական ինքնակառավարման մարմինների ընտրություններին»,- նշեց Իոաննիսյանը։
Նրա խոսքով՝ Հայաստանի վերաբերյալ մի քանի առանձնահատկություններ պետք է հաշվի առնենք: «Նախ մենք 16 տարեկանից տալիս ենք ընտանիք կազմելու իրավունք, աշխատելու և հարկեր վճարելու իրավունք, հավաքներին մասնակցելու իրավունք և այդ ամենով հանդերձ ինչո՞ւ չպետք է ունենա ընտրություններին մասնակցելու իրավունք»,- նշեց Իոաննիսյանը։
Մանրամասները՝ տեսանյութում։
