Հասարակություն
05.12.2017 | 16:43Իշխող Հանրապետականը երբևէ չի ժխտել՝ ԱՎԾ-ի հրապարակած տվյալները Հայաստանում աղքատության ցուցանիշների հետ կապված. պատասխանելով Factor.am-ի հարցին՝ ասաց ՀՀԿ խմբկացության ղեկավար Վահրամ Բաղդասարյանը:
Նշենք, որ ըստ ԱՎԾ-ի 2016թ-ին Հայաստանում աղքատության մակարդակը կազմել է 29,4 %՝ նախորդ տարվա՝ 29,8 %-ի համեմատ: «Այդ խնդիրների դեմ պետք է այնպիսի գործիքներ օգտագործենք, որ կարողանանք հաղթահարել: Այն նպատակները, այն ծրագրային դրույթները, որոնցից առաջնայինը աղքատության կրճատման խնդիրն է, ուստի դրա հետ կապված լուրջ աշխատանքներ պետք է տանենք: Կառավարության ուղղվածությունը միտված է նաև դրան», – լրագրողների հետ ճեպազրույցում ասաց Վահրամ Բաղդասարյանը:
Հարցին՝ ինչպես է ստացվում, որ տարիներ շարունակ գործիքներ են փնտրում, սակայն այդպես էլ արդյունքի չեն հասնում, Բաղդասարյանը հակադարձեց. «Խնդրում եմ՝ մեր փնտրածին դուք չկասկածեք: Ամեն ինչ պետք է նայել համեմատության դաշտում, եթե այլ երկրների օրինակներ բերեք, որտեղ այդ ցուցանիշները ցայտուն երևում են, ապա մենք կարող ենք ասել, որ այդ գործիքները լավ չենք փնտրում»:
Մանրամասները՝ տեսանյութում:
