12.10.2026 | 11:51
Ռուսական զորքերը հարվածել են Խարկովի բազմահարկ բնակելի շենքին․ տուժածներ կան
Եթե հաստատվի Նավալնիի թունավորումը, ապա ԱՄՆ-ը կվերանայի Ռուսաստանի հետ իր հարաբերությունները. Ռոբերտ Օ’Բրայեն
Քաղաքականություն
21.08.2020 | 10:50
Միացյալ Նահանգները տագնապած է Ռուսաստանի ընդդիմության առաջնորդ Ալեքսեյ Նավալնիի հնարավոր թունավորումների մասին լուրերից, եթե դրանք հաստատվեն, ապա դա կարող է ազդել Միացյալ Նահանգների և Ռուսաստանի հարաբերությունների վրա, հայտարարել է ազգային անվտանգության հարցերով ԱՄՆ նախագահի խորհրդական Ռոբերտ Օ’Բրայենը. հաղորդում է interfax-ը:
«Սա ծայրաստիճան անհանգստացնող է, և եթե ռուսները կանգնած են այս ամենի հետևում … մենք պատրաստվում ենք այս ամենը հաշվի առնել ռուսների հետ մեր հետագա հարաբերություններում», – ասել է նա Fox News- ի եթերում:
«Նա շատ համարձակ քաղաքական գործիչ է, և մեր մտքերն ու աղոթքները նրա և նրա ընտանիքի հետ են», – ավելացրել է Օ’Բրայենը:
Ավելի վաղ ԱՄՆ նախագահ Դոնալդ Թրամփը հայտարարել էր, որ ԱՄՆ վարչակազմը ուշիուշով հետևում է Նավալնիի հետ իրավիճակի զարգացմանը:
Հիշեցնենք, որ օգոստոսի 20-ին Նավալնիի ինքնազգացողությունը վատացել էր Տոմսկից Մոսկվա թռիչելիս: Ինքնաթիռն արտակարգ վայրէջք էր կատարել Օմսկի օդանավակայանում: Ընդդիմադիր գործիչը հոսպիտալացվել էր Օմսկի հիվանդանոց՝ թունավորում նախնական ախտորոշմամբ:
