14.10.2026 | 21:04
Սահմանադրական դատարանի դատավոր չընտրվեց
Իսպանիայի դատարանը հետ է կանչել Կառլես Պուչդեմոնին ձերբակալելու օրդերը
Քաղաքականություն
05.12.2017 | 16:28
Իսպանիայի Գերագույն դատարանը հետ է կանչել Կատալոնիայի նախկին առաջնորդ Կառլես Պուչդեմոնին և նրա կառավարության չորս նախարարներին ձերբակալելու եվրոպական օրդերը. փոխանցում է tass.ru-ն:
Այլ ԶԼՄ-ների փոխանցմամբ՝ որոշումը հիմնավորելիս դատավորը հայտարարել է, թե անջատականները ցանկանում են հայրենիք վերադառնալ և մասնակցել դեկտեմբերի վերջին կայանալիք խորհրդարանական արտահերթ ընտրություններին:
Միաժամանակ, հաղորդվում է, որ նրանց առաջադրված մեղադրանքները մնում են ուժի մեջ, և Իսպանիա վերադառնալու դեպքում Պուչդեմոնն ու նրա աջակիցները կարող են ազատազրկվել:
Հիշեցնենք, որ Կատալոնիայի խորհրդարանը անկախության հանրաքվե անցկացրեց ու հոկտեմբերի 27-ին հայտարարեց Իսպանիայից անկախանալու մասին, ինչին ի պատասխան Մադրիդը՝ հղում անելով երկրի Սահմանադրությանը ուղիղ կառավարում մտցրեց Կատալոնիայում՝ պաշտոնանկ անելով ու ձերբակալելով առաջնորդներին:
