29.04.2026 | 18:26
Լոնդոնում դանակահարության հետևանքով վիրավորվել են հրեական համայնքի երկու անդամներ
Բելառուսում քրեական գործ է հարուցվել ընդդիմության համակարգող խորհրդի ստեղծման փաստով
Քաղաքականություն
20.08.2020 | 18:47
Բելառուսի գլխավոր դատախազությունը քրեական գործ է հարուցել ընդդիմության Համակարգող խորհրդի ստեղծման փաստով: Ինչպես փոխանցում է Tut.by-ը , այդ մասին այսօր հայտարարել է գլխավոր դատախազ Ալեքսանդր Կոնյուկը։
«2020 թվականի օգոստոսի 18-ին Բելառուսի Հանրապետության մի խումբ քաղաքացիներ հայտարարեցին Համակարգող խորհրդի ստեղծման մասին, որի նպատակն է իշխանության փոխանցման գործընթացի կազմակերպումը: Նման մարմնի ստեղծումը նախատեսված չէ օրենքով և դրա գործունեությունը հակասահմանադրական է: Համակարգող խորհրդի ստեղծումն ու գործունեությունն ուղղված են պետական իշխանությունը զավթելուն և Բելառուսի Հանրապետության ազգային անվտանգությանը վնասելուն»,- ասել է պաշտոնյան:
Քրեական գործը հարուցվել է երկրի Քրեական օրենսգրքի 361-րդ հոդվածի համաձայն, որով նախատեսվում է մինչև 5 տարվա ազատազրկում։
