Քաղաքականություն
20.08.2020 | 13:56
Կենտրոնական ընտրական հանձնաժողովն արտահերթ նիստ է հրավիրել:
Օրակարգում ընդգրկված է 2 հարց՝ Արմավիրի մարզի Եղեգնուտ համայնքում հանրաքվե անցկացնելու հարցով համայնքի ավագանու անդամներ Ռազմիկ Աբրահամյանի, Հովհաննես Հակոբյանի, Մարտուն Մկրտչյանի և Անտոն Խուրշուդյանի դիմումի քննությունը, և Եղեգնուտ համայնքի ավագանու անդամներ Մարտուն Մկրտչյանի, Հովհաննես Հակոբյանի, Ռազմիկ Աբրահամյանի, Անտոն Խուրշուդյանի բողոքի քննությունը, որով վերջիններս բողոքարկում են հանրաքվեի անցկացումը մերժելու՝ թիվ 15 տարածքային ընտրական հանձնաժողովի որոշումը։
Հիշեցնենք, որ 2020 թվականի հուլիսի 27-ին ստացվել էր Արմավիրի մարզի Եղեգնուտ համայնքի Ավագանու անդամներ Ռազմիկ Աբրահամյանի, Հովհաննես Հակոբյանի, Մարտուն Մկրտչյանի և Անտոն Խուրշուդյանի դիմումը: Դիմումի ուսումնասիրությունից պարզվել էր, որ նույնաբովանդակ դիմում նրանք ներկայացրել էին նաև թիվ 15 տարածքային ընտրական հանձնաժողով, նման քննարկում տեղի ունեցել է:
Հավելենք նաև, որ Եղեգնուտ համայնքի ավագանու անդամներ Ռազմիկ Աբրահամյանը, Հովհաննես Հակոբյանը, Մարտուն Մկրտչյանը և Անտոն Խուրշուդյանը նիստըի մասին տեղյակ լինելով չեն ներկայացել նիստին:
