19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Կրակելու հրաման չտալու մեջ տարօրինակ բան չկա. Սերժ Սարգսյանը՝ հայտնի տեսանյութի մասին. ՏԵՍԱՆՅՈՒԹ
Քաղաքականություն
19.08.2020 | 15:49
Կրակել, թե չկրակել, որոշում է կոնկրետ ստորաբաժանման պատասխանատուն, և ոչ թե գլխավոր շտաբը, էլ չեմ խոսում՝ գերագույն գլխավոր հրամանատարի մասին։ Այս մասին օգոստոսի 19–ին, լրագրողների հետ հանդիպմանն ասաց Սերժ Սարգսյանը՝ պատասխանելով լրագրողի հարցին, թե համացանցում տարածվեց մի տեսանյութ, որը, ենթադրաբար, նկարահանվել էր ապրիլի լույս 2-ի գիշերը, և որտեղ երևում էր Արցախի սահմանի հատվածում հակառակորդի առաջխաղացումը, մեր զինվորները կապի են սպասում՝ կրակեն, թե ոչ, հնչում էր պատասխան՝ սպասեք։
« Կրակել, թե չկրակել, որոշում է կորնկրետ ստորաբաժանման պատասխանատուն, և ոչ թե գլխավոր շտաբը, էլ չեմ խոսում՝ գերագույն գլխավոր հրամանատարի մասին։ Բայց չեմ կասկածում, որ այդ հրամանը շատ ճիշտ հրաման էր։ Ի՞նչ է նշանակում՝ չկրակել, նշանակում է՝ հենց էնպես չկրակել, թող հակառակորդը մոտենա, հասնի քո խոցման ամենահարմար տեղին, որպեսզի դու կարողանաս կրակելով ոչնչացնել։ Իսկ ի՞նչ տարօրինակ բան կա, երբ հարամանատարն ասում է՝ չկրակել, դա հրամանատարի բուն գործառույթն է։ Իմացեք՝ պատերազմի ժամանակ ու բանակում ամեն ինչի հիմքը կարգապահությունն է։ Համոզված է, որ հենց էդ դիրքերի շրջանում է, որ հակառակորդը կրել է շատ մեծ կորուստներ, հրամանատարի համբերատարության շնորհիվ, որևէ տարօրինակ բան չկա»։
Մանրամասները՝ տեսանյութում:
