07.08.2026 | 18:59
Ռուբինյանը աշխարհի խորհրդարանների պատմության ամենաերիտասարդ նախագահն է
PKK-զինյալները կրակել են իրանցի զինվորների վրա
Քաղաքականություն
05.12.2017 | 13:34
Դեկտեմբերի 4-ին առավոտյան թուրք-իրանական սահմանամերձ գոտում՝ Իգդիր նահանգում, (մասնավորապես փոքր Մասիսի մոտից) «Քուրդիստանի բանվորական կուսակցության» (ՔԲԿ-PKK) զինյալները կրակել են իրանցի զինվորների վրա։ Ըստ թուրքական «Aydinlik» լրատվակայքի՝ դրա հետևանքով սպանվել է 1 իրանցի զինվոր, 4-ն էլ վիրավորվել են. փոխանցում է EH-ն:
Աղբյուրն ընդգծում է, որ թուրքական կողմn օգնությունն է առաջարկել իրանցի զինվորներին և վերջիններիս տեղափոխել Իգդիրի հիվանդանոցներից մեկը։ Դա կատարվել է այն պատճառով, քանի որ իրանական հիվանդանոցը զորամասից շատ հեռու էր գտնվում։
Հիշեցնենք, որ PKK-ն Թուրքիայում համարվում է ահաբեկչական կազմակերպություն։ Իրանում գործում են «Քուրդիստանի ազատ կյանք» (PJAK) քրդական կուսակցության զինյալները, որոնք հանդիսանում են PKK-ի թևերից մեկը։
