05.03.2026 | 18:03
Այդ սենյակը ձեզ ծանո՞թ էր. հարց` Արշակ արքեպիսկոպոսի եղբորը` հայտնի տեսանյութի վերաբերյալ․ ՏԵՍԱՆՅՈՒԹ
Խաչատուրովի համար շատ վիրավորական էր, երբ ասացին՝ պատերազմի ժամանակ բիլիարդ է խաղացել. Սերժ Սարգսյան. ՏԵՍԱՆՅՈՒԹ
Քաղաքականություն
19.08.2020 | 13:33
2016թ․ ապրիլին Մոսկվայում տեղի ունեցած հանդիպման ժամանակ որևէ փաստաթուղթ չի ստորագրվել՝ ոչ գաղտնի, ոչ բաց։ Այս մասին այսօր՝ մամուլի ասուլիսի ժամանակ հայտարարեց ՀՀ 3-րդ նախագահ Սերժ Սարգսյանը։
Անդրադառնալով Յուրի Խաչատուրովի՝ ԱԺ ապրիլյան քննիչ հանձնաժողով չներկայանալուն, Սերժ Սարգսյանը նշեց, որ դրա շուրջ մի քանի անգամ զրուցել է Խաչատուրովի հետ, հորդորել է մասնակցել, սակայն նա չի համաձայնել։
«Ես ըմբռնումով եմ մոտենում Խաչատուրովի դիրքորոշմանը: Խաչատուրովն իր կյանքի լավագույն հատվածը նվիրել է Հայաստանի անվտանգությանը։ Խաչատուրովը շատ ակտիվ մասնակցություն է ունեցել մեր հաղթանականերում։ Խաչատուրովը ուղնուծուծով զինվորական է, գեներալ է, նրա համար շատ վիրավորական էին մինչ այդ եղած հայտարարությունները։ Մարդն իր ամբողջ կյանքը նվիրել է բանակին, Հայաստանի անվտանգությանը, իսկ նրա մասին հերյուրանքներ են տարածում, թե ռազմական գործողությունները սկսելու պահին բիլիարդ էր խաղում։ Նույնիսկ հանձնաժողովի ժամանակ, երբ խոսակցություն գնաց, ասեցի, որ մեկ անգամ ևս կհորդորեմ Խաչատուրովին մասնակցելու նիստին, այս հորդորն էլ չընդունեց Խաչատուրովը»,- նշեց նա։
Մանրամասները՝ տեսանյութում:
