19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ցուցակների ճշգրտմանը զուգահեռ մեխանիզմներ պետք է ներդրվեն, որ մարդիկ հաշվառվեն բնակության հասցեներում․ Վարդինե Գրիգորյանը՝ ԸՕ-ի մասին. ՏԵՍԱՆՅՈՒԹ
Քաղաքականություն
18.08.2020 | 17:42
Ընտրական ցուցակների ճշգրտմանը զուգահեռ պետք է մեխանիզմներ ստեղծել, որպեսի քաղաքացիները հաշվառվեն այն հասցեներում, որտեղ բնակվում են։ Այս մասին այսօր Ընտրական օրենսգրքի փոփոխությունների վերաբերյալ քննարկման ժամանակ ասաց Հելսինկյան քաղաքացիական ասամբլեայի Վանաձորի գրասենյակի ժողովրդավարական ինստիտուտների մոնիթորինգի և զեկուցման համակարգող Վարդինե Գրիգորյանը։
«Բազմաթիվ քաղաքացիներ կան, որոնք բնակվում են այլ հասցեներում, քան հաշվառված են։ Սա նաև պատճառն է, որ փոստային ծանուցումներն անիմաստ են։ Մարդիկ ուղղակի չեն բնակվում այնտեղ, որտեղ գրանցված են։ Եթե նույն քաղաքում են ու քվեարկության կարող են հանգիստ գնալ, այլ համայնքների դեպքում խնդրահարույց է մի քանի տեսանկյուններից ու հատկապես՝ ՏԻՄ ընտրությունների դեպքում։ Նախ կա ընդհանուր ցուցակը, որն իրականությանը չի համապատասխանում տվյալ ՏԻՄ-ի հետ կապված, կա վտանգը, որ ՏԻՄ-ի տարբեր թեկնածուներ օգտագործում են իրենց անձնական կապերը՝ բերելու քվեարկության այն մարդկանց, որոնք առանձնապես հետաքրքրված չեն համայնքով ու փաստացի իրենց համար էական չէ՝ ով կընտրվի ու աջակցության մեջ որևէ խնդիր չեն տեսնում»,- նշեց Գրիգորյանը։
Վերջինիս խոսքով՝ սրան զուգահեռ՝ համայնքում բնակվող մարդիկ, որոնք ուղղակի հաշվառված չեն այնտեղ, հնարավորություն չեն ունենում մասնացելու ՏԻՄ մարմինների ձևավորմանը։
Մանրամասները՝ տեսանյութում։
