17.09.2026 | 18:36
Լիոնել Մեսին ևս մեկ ռեկորդ է սահմանել
Լուկաշենկոն խոսել է իշխանության փոխանցման պայմանների մասին
Քաղաքականություն
17.08.2020 | 16:51
Ալեքսանդր Լուկաշենկոն կոչ է արել երկրում իշխանությունը վերաբաշխել սահմանադրական գործընթացի միջոցով, «այլ ոչ թե ճնշման տակ և փողոցում»: «ՌԻԱ Նովոստի»-ի փոխանցմամբ՝ նա այդ մասին հայտարարել է այսօր՝ Մինսկի անվակցորդների գործարանի (ՄԶԿՏ) աշխատակիցներ հետ հանդիպման ժամանակ:
Իր ելույթում Լուկաշենկոն ասել է, որ այժմ աշխատանքներ են տարվում Սահմանադրության փոփոխության և իշխանությունների վերաբաշխումն ապահովելու ուղղությամբ: Նա ընդգծել է, որ երկրի մայր օրենքը «չեն կարող տալ անհայտ մեկին, որովհետև խնդիրներ կլինեն»:
Բելառուսում օգոստոսի 9-ին կայացած նախագահական ընտրություններից հետո շարունակվում են բողոքի ակցիաները, որոնց մասնակիցներն իրենց դժգոհությունն են արտահայտում ընտրությունների արդյունքներից, որոնց համաձայն՝ գործող նախագահ Ալեքսանդր Լուկաշենկոն վերընտրվել է 6-րդ անգամ՝ ստանալով ձայների ավելի քան 80%-ը, իսկ նրա հիմնական մրցակից Սվետլանա Տիխանովսկայան ստացել է ձայների շուրջ 10%-ը։ Երեկ երկրում տեղի է ունեցել ամենազանգվածայինն ցույցը, որին մասնակցել է ավելի քան 200 000 քաղաքացի։ Այսօր Բելառուսում մեկնարկել է համազգային գործադուլ: Ըստ պաշտոնական տվյալների՝ ավելի քան 6700 մարդ է ձերբակալվել: Վիրավորվել են հարյուրավոր մարդիկ, մահացել են երկու ցուցարար:
