29.08.2026 | 17:05
ՀՀ արդարադատության նախարարի 4 տեղակալները վերանշանակվել են պաշտոններում
Բեյրութի նավահանգստում պայթյունի հետևանքով վնասը նախնական գնահատվում է 3 միլիարդ դոլար
Քաղաքականություն
11.08.2020 | 16:31
Ապահովագրական ընկերությունները Բեյրութի նավահանգստում տեղի ունեցած պայթյունի հետևանքով կորուստները նախնական գնահատել են 3 միլիարդ դոլար, այնքան, որքան 2015-ի օգոստոսին Տյանցզինի նավահանգստում տեղի ունեցած պայթյունների պատճառած կորուստներն են։ Այս մասին տեղեկացնում է TASS-ը՝ հղում կատարելով Splash- ին:
Նշվում է, որ թեև օգոստոսի 4-ին Բեյրութի պայթյունն ավելի հզոր էր, քան 5 տարի առաջ Չինաստանի նավահանգստում, այնուամենայնիվ Տյանցզինում ոչնչացվել են ավելի թանկ արժեցող բեռներ՝ ներառյալ հազարավոր ավտոմեքենաներ: Տյանցզինի նավահանգստում վթարի հետևանքների ապահովագրական պահանջների գումարը մինչ օրս ամենախոշորն է համարվում խաղաղ պայմաններում նավահանգիստների ապահովագրության պատմության մեջ:
Վերջին տվյալներով ՝ Լիբանանում մահացել է ավելի քան 150 մարդ, բազմաթիվ քաղաքացիներ անհետ կորած են: Բեյրութի նահանգապետի խոսքով՝ հնարավոր չէ որոշել այն զոհերի ինքնությունը, որոնք կապեր չունեն տեղի բնակիչների հետ, օրինակ՝ վարորդներ կամ նավահանգստում աշխատող օտարերկրացիներ։
