12.10.2026 | 11:55
Տիգրան Ավինյանը ներկայացրեց քաղաքապետարանի հանրակրթության վարչության պետի պաշտոնակատարին
ՅՈՒՆԵՍԿՕ-ի կողմից համաշխարհային ժառանգություն ճանաչված Հին Սանայի տները փլուզվում են անձրևների պատճառով
Քաղաքականություն
11.08.2020 | 17:14
Եմենում ամիսներ շարունակ տեղացող հորդառատ անձրևները և հեղեղները զգալի վնասներ են հասցրել ՅՈՒՆԵՍԿՕ-ի կողմից համաշխարհային ժառանգություն համարվող Հին Սանա քաղաքի տներին, հաղորդում է Al Jazeera- ն:
Սանայի պատմական թաղամասերում հարյուրավոր շենքերի տանիքներ են փլուզվել անձրևների պատճառով:
11-րդ դարից պահպանված շագանակագույն և սպիտակ ցեխ-աղյուսով կառուցված տները վաղուց գտնվում էին անտեսման և հակամարտության սպառնալիքի տակ:
Ավելի վաղ, Al Jazeera-ի հետ զրուցելիս Պատմական քաղաքների պահպանության մարմնի ղեկավարի տեղակալ Աքել Նասարը ասել է, որ այսօր քաղաքացիները չեն պահպանում հին շենքերը այնպես, ինչպես դա անում էին նախկինում, ինչն էլ հանգեցնում է այդպիսի անկայունության և ճաքերի:
Ըստ պաշտոնյայի՝ հին քաղաքի մոտ 5000-ը բարձրահարկ շենքերի տանիքներում առկա է արտահոսք, իսկ 107-ի տանիքները մասամբ փլուզվել են:
