13.12.2024 | 13:44
Այսօր Թբիլիսիում մեկ տասնյակից ավելի բողոքի ակցիաներ են նախատեսված
Ռուսաստանում գրանցվեց կորոնավիրուսի դեմ աշխարհում առաջին պատվաստանյութը. Պուտինի դուստրն արդեն պատվաստվել է
Քաղաքականություն
11.08.2020 | 14:31
Ռուսաստանի նախագահ Վլադիմիր Պուտինն այսօր հայտնել է, որ իր աղջիկներից մեկը պատվաստվել է կորոնավիրուսի դեմ և իրեն լավ է զգում, հաղորդում է ՏԱՍՍ-ը :
«Որքան ինձ հայտնի է, այսօր առավոտյան աշխարհում առաջին անգամ պատվաստանյութ է գրանցվել նոր կորոնավիրուսի դեմ»,- նա ասել է կառավարության անդամների հետ հանդիպման սկզբում:
Պուտինը առողջապահության նախարար Միխայիլ Մուրաշկոյին խնդրել է իրեն մանրամասն տեղեկացնել գործընթացի մասին:
«Ես գիտեմ, որ այն [խմբ. պատվաստանյութը] բավականին արդյունավետ է, կայուն իմունիտետ է ձևավորում և, կրկնում եմ, անցել է բոլոր անհրաժեշտ ստուգումները»,- ասել է Ռուսաստանի նախագահը:
Ավելի վաղ Մուրաշկոն հայտարարել էր պատվաստանյութի կլինիկական փորձարկումների ավարտի մասին: Այն մշակվել է Ռուսաստանի Դաշնության առողջապահության նախարարության Ն.Ֆ. Գամալեի անվան համաճարակաբանության և մանրէաբանության ազգային հետազոտական կենտրոնի կողմից:
Պուտինը հույս է հայտնել, որ ժամանակի ընթացքում աշխարհում կորոնավիրուսի դեմ շատ պատվաստանյութեր կլինեն: Ըստ Ռուսաստանի Դաշնության նախագահի՝ կորոնավիրուսի դեմ պատվաստանյութի զանգվածային արտադրությունը կսկսվի մոտ ապագայում:
