10.06.2026 | 18:29
ԵՄ պատժամիջոցների նոր փաթեթում են պատրիարք Կիրիլը և ՖԻԴԵ-ի նախագահ Արկադի Դվորկովիչը
Աշխարհում COVID-19-ի հաստատված դեպքերի թիվն անցավ 20 միլիոնը
Քաղաքականություն
11.08.2020 | 14:00
Աշխարհում COVID-19-ի հաստատված դեպքերի թիվն անցել է 20 միլիոնը, հայտնում է Euronews-ը՝ վկայակոչելով Ջոն Հոփկինսի համալսարանի հրապարակած վերջին տվյալները:
Առողջապահության ոլորտի ներկայացուցիչները կարծում են, որ իրական թվերը շատ ավելի մեծ են՝ հաշվի առնելով թեստավորման հետ կապված սահմանափակումները և այն փաստը, որ վարակակիրների մոտ 40 տոկոսը որևէ ախտանիշ չունի:
Հուլիսի 22-ից հետո, երբ աշխարհում հաստատված դեպքերի թիվը հատեց 15 միլիոնը, Միացյալ Նահանգներում, Հնդկաստանում և Բրազիլիայում գրանցվել է ընդհանուր դեպքերի գրեթե 2/3-ը:
ԱՀԿ արտակարգ ծրագրերի տնօրեն Մայքլ Ռայանն ասել է, որ COVID-19-ը ցույց չի տալիս որևէ սեզոնային նշան, և սահմանափակումների վերացումը կարող է վիրուսի «վերադարձի» պատճառ հանդիսանալ:
Երկուշաբթի Ժնևում ելույթ ունենալիս Մայքլ Ռայանն ասել է. «Մինչ օրս հստակ գիտենք, որ եթե թուլացնում ենք ճնշումը վիրուսի վրա, այն հետ է գալիս»:
Ռայանը նաև բարձր է գնահատել Բրազիլիայի բուժաշխատողների ջանքերը «համաճարակի բարձր մակարդակի» դեմ պայքարում:
Միաժամանակ պաշտոնյան կրկնել է, որ փորձարկումները վկայում են, որ հիդրօքսիխլորիխինը արդյունավետ միջոց չէ COVID-19- ի բուժման մեջ:
Ըստ CNN-ի՝ COVID-19-ի պատճառով մահացածների թիվը մոտենում է 750,000:
