06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Կարո Եղնուկյանը առողջական խնդիրների պատճառով չի մասնակցում դատավարությանը. հրապարակվում են մեղադրական եզրափակիչ մասերը
Հասարակություն
04.12.2017 | 14:04
«Սասնա ծռեր» խմբի 11 անդամի գործով այսօրվա դատական նիստում հրապարակվում են ամբաստանյալների մեղադրանքների եզրափակիչ մասերը:
Նիստի սկզբում նախագահող դատավոր Արտուշ Գաբրիելյանը տեղեկացրեց, որ ամբաստանյալներից Կարո Եղնուկյանը վատ ինքնազգացողություն ունի և չի կարող մասնակցել դատական նիստին, սակայն նա բերվել էր դատարան: Եղնուկյանի պաշտպան Տիգրան Հայրապետյանը նշեց, որ Կարո Եղնուկյանն ունի բարձր արյան ճնշում խնդրել է նիստն առանց իր ներկայության անցկացնել: Հայրապետյանը հայտարարեց` իր պաշտպանյալին այդպիսի առողջական վիճակում ՔԿՀ-ից դատարան տեղափոխելը անմարդկային վերաբերմունք է: Այնուամենայնիվ Կարո Եղնուկյանի մեղադրական եզրակացության հրապարակման ժամանակ նրան բերեցին նիստերի դահլիճ, իսկ հրապարակման ավարտին կրկին հեռացրին:
Արդեն հրապարակվել են մեղադրյալներ` Աշոտ Պետրոսյանի, Արմեն Լամբարյանի, Արթուր Սեղոմանյանի, Գառնիկ Հովակիմյանի, Կարո Եղնուկյանի և Տիգրան Սարգսյանի մեղադրական եզրափակիչ մասերը:
Նշենք, որ Արտուշ Գաբրիելյանը քննում է «Սասնա ծռեր» խմբի անդամներ Արմեն Լամբարյանի, Աշոտ Պետրոսյանի, Արթուր Մելքոնյանի, Տիգրան Սարգսյանի, Արթուր Սողոմոնյանի, Գառնիկ Հովակիմյանի, Հովհաննես Վարդանյանի, Մանվել Աթոյանի, Վարդգես Գևորգյանի, Կարո Եղնուկյանի և Խաչատուր Գիչյանի մասով գործը:
Լիլիթ Շաբոյան
