19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Արայիկ Հարությունյանը չներկայացավ «Իմ քայլը» խմբակցության պատգամավորների հետ հանդիպմանը
Քաղաքականություն
10.08.2020 | 17:20
Այսօր «Քաղաքացիական պայմանագիր» կուսակցության գրասենյակում նախատեսված էր իշխող «Իմ քայլը» խմբակցության պատգամավորների հանդիպումը ԿԳՄՍ նախարար Արայիկ Հարությունյանի հետ։ Սակայն հանդիպումը չկայացավ, քանի որ Հարությունյանը չներկայացավ։
Խմբակցության ղեկավար Լիլիթ Մակունցն ասաց, որ պարետատունն արտահերթ նիստ է հրավիրել, որին Հարությունյանը չէր կարող չմասնակցել։ Խմբակցության պատգամավոր Հովիկ Աղազարյանն էլ Factor.am-ի հետ զրույցում նշեց, որ Հարությունյանը, կարծես թե, խորհրդակցության է, բայց ինքը հաշվետու է և իր աշխատանքը չի կարող պայմանավորել «Իմ քայլը» խմբակցության պատգամավորների հետ հանդիպումով։
Նշենք, որ հանդիպումը նախանշված էր ժամը 16:00-ին։ Պատգամավորները, մի քանի րոպե գրասենյակում մնալուց հետո, հերթով հեռացան, երբ պարզ դարձավ, որ հանդիպումը չի կայանալու։
Մերի Մարտիրոսյան
