03.08.2026 | 17:21
927 մլն դոլար․ Սարդ-մարդու մասին նոր ֆիլմը տարվա ամենաեկամտաբեր մեկնարկն է գրանցել կինովարձույթում
Բելառուսի նախագահի թեկնածու Սվետլանա Տիխանովսկայան իրեն համարում է ընտրությունների հաղթող
Քաղաքականություն
10.08.2020 | 15:11
Բելառուսի նախագահի թեկնածու Սվետլանա Տիխանովսկայան, չնայած Բելառուսի ԿԸՀ-ի հաղորդագրությանը, հայտնել է, որ իրեն է համարում օգոստոսի 9-ին տեղի ունեցած նախագահական ընտրությունների հաղթող. հայտնում է lenta.ru-ն։
Նրա խոսքերով, իր շտաբն ունի այլընտրանքային հաշվարկի արդյունքներ, ու իրենք պատրաստվում են «ապացուցել բոլոր խախտումները»:
«Մենք չենք ճանաչում ընտրությունների արդյուքնները: Մենք տեսել ենք իրական արձանագրությունները: Կոչ ենք անում նրանց, ովքեր կարծում են, որ իրենց ձայները գողացել են, չլռել», – ասել է Տիխանովսկայան:
Միաժամանակ նա նշել է, որ պատրաստ է հանդիպել Ալեքսանդր Լուկաշենկոյի հետ, իսկ Տիխանովսկայայի շտաբի պետ Մարիա Կոլսենիկովան հայտարարել է, որ իրենք պատրաստ են երկարատև բողոքների ու ակցիաների:
