19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Միայն հուլիս ամսվա վերջին երկու շաբաթվա ընթացքում ԱՄՆ-ում մոտ 97 000 երեխայի մոտ հայտնաբերվել է COVID-19
Քաղաքականություն
10.08.2020 | 14:43
Հուլիսի վերջին երկու շաբաթվա ընթացքում մոտ 97,000 երեխաների շրջանում արված COVID-19 թեստերի պատասխանը եղել է դրական, հաղորդում է New York Times-ը:
Ամերիկյան մանկաբուժության ակադեմիայի նոր զեկույցի համաձայն՝ թեստերը արվել են հուլիսի 16-ից հուլիսի 30-ը ընկած ժամանակահատվածում:
Զեկույցում մասնավորապես նշվում է, որ համաճարակի սկսվելուց ի վեր 338,982 երեխայի մոտ հայտնաբերվել է COVID-19, ինչը նշանակում է, որ նրանց մեկ քառորդից ավելին վարակվել է հենց այդ երկու շաբաթվա ընթացքում:
Ըստ զեկույցի՝ վարակվածների թիվը մեծ է հարավային և արևմտյան նահանգներում, որտեղ յուրաքանչյուր տասը երեխայից յոթը վարակակիր է: Նշված ժամանակահատվածում Միսուրիում, Օկլահոմայում, Ալյասկայում, Նևադայում, Այդահոյում և Մոնտանայում գրանցվել է վարակակիրների ամենաբարձր ցուցանիշը, մինչդեռ Նյու Յորքում և Նյու Ջերսիում՝ ամենացածրը:
